UNIVERSITETI GJILANI

PËR NE

1 1 Në historikun e arsimit në rajonin e Gjilanit dhe më gjerë në Anamoravë (përfshirë edhe Luginën e Preshevës), arsimi i Lartë zë fill me Shkollën e Lartë Pedagogjike „Skenderbeu“ (1972). Në atë ambient kulturor, politik e arsimor që ofroi periudha e pasbrioneve, brenda asaj pak autonomie që gëzonte Kosova, qyteti i Gjilanit dhe rajoni prosperoi ndjeshëm, duke i dhënë këtij krahu të etnisë, emra në fushën e arsimit shkencës dhe kulturës. Periudha prej jo më shumë se 10 vjetësh, sa zgjati epoka e asaj autonomie, njihet në Kosovë si epoka e rilindjes kombëtare dhe ngritjes së ndërgjegjes për liri dhe prosperim.

Roli që kishte arsimi në këtë rrafsh, tashmë është më se i qartë.

Ndërkohë, Kosova po shkon me hapa të sigurtë drejt funksionalizimit te saj si shtet i pavarur. Ndërkaq, në këtë marrshim, drejt thellimit të lirisë kolektive si koncept politik të shtetit modern, ajo gjithësesi do të investojë edhe në dobi të idesë për zgjerimin eë hapësirës së lirisë individuale, si koncept i shoqërisë liberal-demokrate që ka kultivuar Bashkimi Evropian si strukturë e lloit të vet, drejt të cilit mëtojmë të shkojmë si shoqëri. Në këtë kuadër politikat dhe strategjia për ngritjen e nivelit të arsimit në nivel të Republikës, në përputhje me këto koncepte, për Këshillin Drejtues të Universitetit GJILANI, marrin konotacione jo vetëm profesionale dhe shkencore, por edhe etike, morale dhe kombëtare.

Në dy vjetët e para të jetës, Universiteti siç shihet edhe në zërin e historikut, krahas ndërtimit të identitetit të tij, zgjerimit të kuadrit përkatës etj., ka bërë hapa konkretë edhe në praninë e tij në jetën akademike në nivel të Republikës dhe jashtë vendit.

Në Universitet ndjekin studimet mbi 500 studentë. Shumica dërmuese e tyre vijnë nga dardana, Gjilani, Vitia, Ferizaj, Kaçaniku, Bujanoci, Presheva, Medvegja, Presheve, por edh enga Prishtina dhe nga trojet shqiptare në Malin e Zi.

Për 5 fakultetet sa ka Universiteti (Fakulteti Ekonomik, Fakulteti Juridik, Fakulteti i Edukimit, Fakulteti i Shkencave Sociale-Humane), në procesin mësimdhënës janë aktualisht të angazhuar 48 mësimdhënës ( 1 - me thirrje Akademik, 33 - me thirrje shkencore doktor, 12 magjistra, 7 asistentë dhe 7 punëtorë tjerë). Ligjëruesit vijnë nga vise të ndryshme të Kosovës, por dominojnë ata nga rajoni i Anamoravës dhe Gollakut, ndërkaq një numër sosh është edhe nga Maqedonia.

Duke pas parasysh pikërisht këto orjentime, nuk është e rastësishme përkrahja e gjerë që

Ka gëzuar ideja për ngritjen e Universitetit që në fillet e saj. Kjo lehtë vlerësohet edhe me numrin e kuadrit që ai ka në mbarim të vitit të dytë akademik, respektivisht në prag të vitit të tretë akademik që po startojmë.

Në shërbim të objektivave largëvajtëse arsimore, shkencore etj., Institucioni jonë i Arsimit të Lartë –Universiteti GJILANI - gjykojmë se do të përmbush boshllëkun e krijuar nga rrethanat e njohura për ne, duke u shndrruar në këtë krah të Republikës, si bartës real i konceptit evropian të arsimit.

Universiteti “ Gjilani “ në Gjilan është institucioni privat i arsimit të lartë, me karakter mësimor, shkencor e shkathtësisë, i cili gjatë veprimtarisë së tij ka këto qëllime:

Të veproj si institucion për avansimin e diturisë ideve dhe shkencës në sistemin e arsimit të lartë të Kosovës;
Të arsimojë profesionalishtë specialistët e lartë në fushën e artit, shkencës dhe kulturës nëpërmjet mësimëdhënjes dhe veprimtarisë artistike;
Të ofroj mundësi për të gjithë qytetarët e Kosovës dhe qytetarët tjerë të aftë për të përfituar nga ky arsim gjatë jetës së tyre;
Të ndihmoj në procesin e promovimit të demokracisë qytetare;
Të kryej studime kërkimore-shkencore për të zhvilluar dhe tejçuar artin, shkencën dhe kulturën;
T’I shfrytëzojë burimet e veta në mënyrë sa më efikase;
T’I përshtatet standardeve evropiane në fushën e arsimit të lartë.